పోటీ పరీక్షలకు ఉచిత శిక్షణ.. ఫిబ్రవరి 1లోపు అప్లయ్‌ చేసుకోండి
టెట్, ఎస్‌జీటీ, ఎస్‌.ఏ, టీజీటీ, పీజీటీ, ఎస్సై, పోలీస్‌ కానిస్టేబుల్‌ పోటీ పరీక్షలకు సన్నద్ధమయ్యే వారు దరఖాస్తు చేసుకోవచ్చు.
పోటీ పరీక్షలకు సన్నద్ధమవుతూ.. పేదరికం, ఆర్థిక సమస్యల కారణంగా ఇబ్బందులు ఎదుర్కొంటున్న నిరుపేద అభ్యర్థులకు గుడ్‌న్యూస్‌. అలాంటి వారికి దిల్‌సుఖ్‌నగర్‌లోని విజేత స్టడీ సర్కిల్‌లో ఉచిత శిక్షణ అందిస్తున్నట్లు డైరెక్టర్‌ వి.జె.రెడ్డి ఒక ప్రకటనలో పేర్కొన్నారు. టెట్, ఎస్‌జీటీ, ఎస్‌.ఏ, టీజీటీ, పీజీటీ, ఎస్సై, పోలీస్‌ కానిస్టేబుల్‌ పోటీ పరీక్షలకు సన్నద్ధమయ్యే వారు ఈ అవకాశాన్ని సద్వినియోగం చేసుకోవచ్చు.
ఈ శిక్షణకు బీసీ, ఎస్సీ, ఎస్టీ, ఓసీ విద్యార్థులు దరఖాస్తు చేసుకోవచ్చు. తెలుగు మీడియంలో చదివిన వారు కూడా అర్హులని పేర్కొన్నారు. తెల్లరేషన్‌కార్డు, కుల ధ్రువీకరణ పత్రం లేదా వార్షిక ఆదాయం రూ.2లక్షలలోపు ఉన్న అభ్యర్థులు నేరుగా స్టడీ సర్కిల్‌ కార్యాలయంలో రెండు పాస్‌పోర్టు ఫొటోలతో సంప్రదించవచ్చు.
ఆసక్తగల అభ్యర్థులు ఫిబ్రవరి 1లోపు పేర్లను నమోదు చేసుకోవాలని సూచించారు. మూడు నెలల పాటు శిక్షణ తరగతులు, పరీక్షలు ఉంటాయని వెల్లడించారు. మరిన్ని వివరాలకు దిల్‌సుఖ్‌నగర్‌ బస్టాండ్, మెట్రో పిల్లర్‌ ఏ1531 ఎదురుగా ఉన్న స్టడీ సర్కిల్‌ కార్యాలయంలో సంప్రదించవచ్చు.
No comments:
Post a Comment